هيث ليدجر

If u r good at something, never do it for free
لو انت بتعرف تعمل حاجة كويسة..اوعي تعملها ببلاش 
دي كانت اشهر جمل هيث ليدجر او الجوكر في فيلم dark knight و ببلاش هنا مش مجرد فلوس..ببلاش هنا بمعني اوعي تعمل حاجة من غير ما يبقي ليها عائد حتي لو بسيط..يعني اوعي تعمل حاجة متبقاش فرحان و انت بتعملها و اوعي تعمل حاجة لو مش هترضي نفسك بيها و الناس بعدين..مين فينا مش بيفكر كل يوم هيعمل ايه في بكرة؟؟
هيث ليدجر جاوب علي السؤال دة 
🤡 🤡 🤡 🤡 🤡 🤡 🤡 🤡 🤡 🤡
واحدة واحدة معايا كدة و سيب كل اللي في ايدك و ركز
هيث ليدجر كان دايماً بيعمل ادوار تانية و بيأدي فيها بصورة فعلاً كويسة بس عمره ما بقي من اصحاب المقام الرفيع علي التتر بس دور الجوكر مع انه دور تاني بس نقل هيث ليدجر لمرحلة ما هو اجمل من اصحاب البطولة.

انت ممكن طول حياتك تدور انت موهوب او شاطر في ايه و تقعد تجرب في حاجات كتير و تفشل في حاجات و تنجح في حاجات تانية بس مشكلتنا اننا لما بنفشل في حاجة بنتخيل انها نهاية العالم و لما بننجح في حاجة بنتخيل اننا ملكنا العالم..
💵 💵 💵 💵 💵 💵 💵 💴 💵 💵 💵 💵 💵 💵
في لقطة في الفيلم الجوكر له كلمة ان متعة ناس في جمع الفلوس و متعة ناس تانية في انها تشوف الفلوس و هي بتتحرق..يعني اللي يفرحك ممكن ميفرحش غيرك و العكس و مفهوم المتعة عندك مختلف عن مفهومها عند غيرك يعني من الاخر شوف اللي هيجيبلك المتعة و اعمله و متفكرش في غيرك هيعمل ايه حتي لو قالوا عليك غريب بس كفاية يا اخي انك تفرح.
الجوكر قال ان الفوضي حتي ليها قواعد ممكن نحطها عشان يبقي ليها معني..طيب ما نحط قواعد لحياتنا عشان علي الاقل يبقي ليها معني و مش شرط القواعد تبقي صعبة و عميقة..دي ممكن تبقي جملتين..اه و الله جملتين
"انا هاجرب..انا هانجح"مهما كان مكانك وسط الناس..الجوكر اتحول من مشرد الي اهم شخصية بيدور حواليها الفيلم و لو جه مشهد هو مش موجود فيه تبقي دماغك شغاله في هو هيعمل ايه المشهد اللي بعده و دة يخليك تفكر برة الصندوق..اكسر الصندوق ..اتخطي الحدود اللي عاملها لنفسك.
متسرحش عشان التقيل جاي ورا 
خليك محور حياتك وسط الناس..افرح بقرارك..صمم علي طريقك ...جرب حاجات كتير لحد ما تلاقي نفسك في حاجة تبقي فيها نجم في التتر حتي لو ترتيبك مش الاول..الحياة مش عادلة بس انت اللي بتقرر ايه هو ميزان العدل في حياتك و انت اللي بتقرر هتبقي من نجوم التتر او تخليه يجي عليك.
خليك مؤثر حتي بعد ما تمشي من الدنيا..اعمل حاجة تخلي مكانك مقاساته تبقي مظبوطة عليك انت بس زي ما هيث ليدجر عمل
هتقولي ازاي؟
ما قولتلك اتقل
هيث من ساعة ما عمل الجوكر لو ١٠٠٠ واحد جه بعده عمل الجوكر دماغك هتلاقيها في هيث ليدجر
دة لينك لتوزيع الاوسكار بعد ما مات
https://youtu.be/SH1ansaYky4
علي فكرة انا لقيت نفسي لما عملت التتر
#التتر
#خليك_جوكر
#