"يا حلوة يا اللي العسل سايل من الشفة..شعرك سلاسل دهب دمك كمان خفة..ادفع في مهرك الوف..و اهديكي جامع بالي ..لو اسمع كلمة اه اسمع من الشفــــــــــــــــــــــــــــــــــــــــــــــــــــــــــــــــــة"
دة موال صغير قوي قاله عم يوسف عيد في فيلم التجربة الدانماركية..المشهد بتاعه مخدش اكتر من دقيقتين بس محدش قدر ينسي دوره او اداؤه حتي في الموال.
يوسف عيد او "تميمة الحظ" لاي فيلم عايز ينجح..عم يوسف عيد تلاقيه في ضهر اي نجم و هو اللي بيسنده..ايوة بيسنده و بيعلي الفيلم كمان..من فترة عم يوسف قال ان الناس في عرض جملة تضحكهم مش نكتة كمان..لك ان تتخيل الرجل دة كان متحمل المسئولية بتاعت ناس ممكن ميكونوش يعرفه اسمع اساسا بس هو عايز يضحكهم.
عم يوسف حالة غريبة حتي في لدغته اللي كانت سبب من اسباب شهرته و نجاحه..عبقرية يوسف عيد انه عمره ما كمل في فيلم 10 مشاهد علي بعض..عارف يعني ايه 10 مشاهد في فيلم كامل؟؟؟
و ممكن متفتكرش من الفيلم غير افيه منه...هو دة يوسف عيد
يوسف عيد كان ممكن يعمل دور كله عبارة عن موال و تلاقي نفسك بعد الفيلم حافظ الافيه او الموال و بعد ما يقول الموال تحس نفسك عايز تقول ايــــــــــــــــــــــــــــــــــــــــــــــــــــــــه الله عليك يا عم يوسف
لو عايز تسمع موال اتفرج علي مسرحية شارع محمد علي و هو واقف قدام وحوش مسرح في وقتها زي فريد شوقي و وحيد سيف و المنتصر بالله بس انت مركز معاه هو و مش عايزه يخلص دوره او مواله..من الاخر مش عايزه يغيب عن المسرح.
ركز مع ارتجاله قدام فريد شوقي لما قاله"من يوم محمود المليجي ما مات مش لاقي حد يضربه" و من ساعتها بدأت الجملة دي تبقي فلكلور زي الامثال بتتقال في اي موقف عن الفتونة.
#استاذ زكريا الدرديري مدرس الرياضيات و الفرنساوي عقبال ما يجيبوا مدرس فرنساوي و الجملة اللي مليانه حرف ال "ر"
استاذ زكريا الدرديري بقي ايقونة لمهنة الكشكول و دة اللي بيشتغل اكتر من شغلانه..تشوف اصراره انه هيكسب المسابقة و هو متأكد ان ضايع هو و طلابه
و المشهد العبقري لما سأل التلاميذ اللي يعرف الحل يقول و اللي ميعرفش "ها" لا يكلف نفس الا وسعها...ها دي لو طلعت من حد غيره هتبقي عادية جدا بس منه بقت افيه عالي قوي
او تعالي شوف مشهده ساعة المشهد و هو بيقول الله اكبر فوق كيد المعتدي ...عبقرية الكوميديا دي لازم يطلع منها طاقة الضحك دي
**يوسف عيد الحانوتي في جعلتني مجرما مع احمد حلمي و افيه عزيزي العميل اختار تربتك بنفسك...و كلمه الله حلو دة...مع نبرة صوته توصلك احلي افيه...و ختمها باضربك فين مفيش في وشك مكان..بس تحس انك قدام بطل من ابطال الفيلم
لما طلع مع هنيدي في رمضان مبروك دوره كله كان عبارة عن ضحكته بس هتفضل فاكر المشاهد بتاعته
**الدكتور يوسف عيد في اتش دبور..الدور كله علي بعضع ميكملش 5 دقائق بس مين فينا ينسي موبايله اللي نسيه في بطن المريض...و كلمة اوعي اللي بيقولها دي بطريقة تاجر فاكهة مش دكتور بس عبقرية عم يوسف بتخلي اي افيه منه يتحول لحاجة محفوظة محفورة في عقلك من كتر ما هي بسيطة و دمها خفيف
**تعالي اتفرج علي فيلم رسالة الي الوالي مع الزعيم عادل امام مستحيل تنسي و هو بيسأله علي مكان القلعة و اتفرج علي يوسف عيد و هو بيقوله"فين فراي تشيكن"
و تلاقي الخلطة اللي عملها عم يوسف بين الرجل المسطول و انه مش متخيل ان في حد يبقي مسطول اكتر منه
**من اكبر الادوار اللي قدمها عم يوسف"شخصية حمدي كاتا" في الكبير قوي و المشهد العبقري بتاع يا حكم يا منتشي او لما بيوري احمد مكي المواهب اللي في مركز الشباب
**تعالي بقي لعبقرية يوسف عيد في شخصية بوب مارلي و الكاميرا نازلة عليه و فجأة تلاقي بوب مارلي بيغني " يا ليل يا عيني يا عيني يا ليــــــــــــــــــــــــــــــل" و انت اكيد هتموت من الضحك او لما قالهم انزل الجيارة و عايزهم عرانيس
**من الحاجات النادرة انك تلاقي حد راضي بحاله و دة كان حال يوسف عيد...يوسف عيد كان المعطر اللي بيدي عربيتك ريحة حلوة حتي لو العربية مش حلوة زي ما كان بيطلع في افلام السبكي بس كان سبحان الله افبهاته هي اللي بتبان
**يوسف عيد مش مجرد حالة او مجرد فنان موهوب..دي طاقة رضا كانت ماشية علي الارض...كنلة ضحك قادرة تقلب كل الموازيين..عم يوسف بيدي اكبر مثل ان الحاجات البسيطة ممكن تعيش اكتر من حاجات كبيرة بس دمها تقيل
**يوسف عيد عمر ما اسمه ظهر علي تتر بس هنا لازم يكون نجم من نجوم التتر
عم يوســـــــــــــــــــــــــف عيــــــــــــــــــــــــــــــد
شكرا
دة موال صغير قوي قاله عم يوسف عيد في فيلم التجربة الدانماركية..المشهد بتاعه مخدش اكتر من دقيقتين بس محدش قدر ينسي دوره او اداؤه حتي في الموال.
يوسف عيد او "تميمة الحظ" لاي فيلم عايز ينجح..عم يوسف عيد تلاقيه في ضهر اي نجم و هو اللي بيسنده..ايوة بيسنده و بيعلي الفيلم كمان..من فترة عم يوسف قال ان الناس في عرض جملة تضحكهم مش نكتة كمان..لك ان تتخيل الرجل دة كان متحمل المسئولية بتاعت ناس ممكن ميكونوش يعرفه اسمع اساسا بس هو عايز يضحكهم.
عم يوسف حالة غريبة حتي في لدغته اللي كانت سبب من اسباب شهرته و نجاحه..عبقرية يوسف عيد انه عمره ما كمل في فيلم 10 مشاهد علي بعض..عارف يعني ايه 10 مشاهد في فيلم كامل؟؟؟
و ممكن متفتكرش من الفيلم غير افيه منه...هو دة يوسف عيد
يوسف عيد كان ممكن يعمل دور كله عبارة عن موال و تلاقي نفسك بعد الفيلم حافظ الافيه او الموال و بعد ما يقول الموال تحس نفسك عايز تقول ايــــــــــــــــــــــــــــــــــــــــــــــــــــــــه الله عليك يا عم يوسف
لو عايز تسمع موال اتفرج علي مسرحية شارع محمد علي و هو واقف قدام وحوش مسرح في وقتها زي فريد شوقي و وحيد سيف و المنتصر بالله بس انت مركز معاه هو و مش عايزه يخلص دوره او مواله..من الاخر مش عايزه يغيب عن المسرح.
ركز مع ارتجاله قدام فريد شوقي لما قاله"من يوم محمود المليجي ما مات مش لاقي حد يضربه" و من ساعتها بدأت الجملة دي تبقي فلكلور زي الامثال بتتقال في اي موقف عن الفتونة.
#استاذ زكريا الدرديري مدرس الرياضيات و الفرنساوي عقبال ما يجيبوا مدرس فرنساوي و الجملة اللي مليانه حرف ال "ر"
استاذ زكريا الدرديري بقي ايقونة لمهنة الكشكول و دة اللي بيشتغل اكتر من شغلانه..تشوف اصراره انه هيكسب المسابقة و هو متأكد ان ضايع هو و طلابه
او تعالي شوف مشهده ساعة المشهد و هو بيقول الله اكبر فوق كيد المعتدي ...عبقرية الكوميديا دي لازم يطلع منها طاقة الضحك دي
**يوسف عيد الحانوتي في جعلتني مجرما مع احمد حلمي و افيه عزيزي العميل اختار تربتك بنفسك...و كلمه الله حلو دة...مع نبرة صوته توصلك احلي افيه...و ختمها باضربك فين مفيش في وشك مكان..بس تحس انك قدام بطل من ابطال الفيلم
لما طلع مع هنيدي في رمضان مبروك دوره كله كان عبارة عن ضحكته بس هتفضل فاكر المشاهد بتاعته
**الدكتور يوسف عيد في اتش دبور..الدور كله علي بعضع ميكملش 5 دقائق بس مين فينا ينسي موبايله اللي نسيه في بطن المريض...و كلمة اوعي اللي بيقولها دي بطريقة تاجر فاكهة مش دكتور بس عبقرية عم يوسف بتخلي اي افيه منه يتحول لحاجة محفوظة محفورة في عقلك من كتر ما هي بسيطة و دمها خفيف
**تعالي اتفرج علي فيلم رسالة الي الوالي مع الزعيم عادل امام مستحيل تنسي و هو بيسأله علي مكان القلعة و اتفرج علي يوسف عيد و هو بيقوله"فين فراي تشيكن"
و تلاقي الخلطة اللي عملها عم يوسف بين الرجل المسطول و انه مش متخيل ان في حد يبقي مسطول اكتر منه
**من اكبر الادوار اللي قدمها عم يوسف"شخصية حمدي كاتا" في الكبير قوي و المشهد العبقري بتاع يا حكم يا منتشي او لما بيوري احمد مكي المواهب اللي في مركز الشباب
**تعالي بقي لعبقرية يوسف عيد في شخصية بوب مارلي و الكاميرا نازلة عليه و فجأة تلاقي بوب مارلي بيغني " يا ليل يا عيني يا عيني يا ليــــــــــــــــــــــــــــــل" و انت اكيد هتموت من الضحك او لما قالهم انزل الجيارة و عايزهم عرانيس
**من الحاجات النادرة انك تلاقي حد راضي بحاله و دة كان حال يوسف عيد...يوسف عيد كان المعطر اللي بيدي عربيتك ريحة حلوة حتي لو العربية مش حلوة زي ما كان بيطلع في افلام السبكي بس كان سبحان الله افبهاته هي اللي بتبان
**يوسف عيد مش مجرد حالة او مجرد فنان موهوب..دي طاقة رضا كانت ماشية علي الارض...كنلة ضحك قادرة تقلب كل الموازيين..عم يوسف بيدي اكبر مثل ان الحاجات البسيطة ممكن تعيش اكتر من حاجات كبيرة بس دمها تقيل
**يوسف عيد عمر ما اسمه ظهر علي تتر بس هنا لازم يكون نجم من نجوم التتر
عم يوســـــــــــــــــــــــــف عيــــــــــــــــــــــــــــــد
شكرا
ليست هناك تعليقات:
إرسال تعليق