ناس لازم نتخلص منهم قبل ما ينتشروا و يتكاثروا :
1-لما تدخل تجيب سندويتشات من اي مطعم و تلاقي دايما جاي علي اخر لحظة و تحس انه من اول بيدفع لحد ما بيدي البون للي هيعمله السندوتش انه بيحط تشكيل نهائي اوروبا ..و النبي بسرعة..سلطة و طحينة ..لا زود بابا غنوج و ام علي..و الكلمة الاشهر في التاريخ ظبطهولي بقي..و دي شاملة كل حاجة ...يعني مثلا الطعمية هيعملهالك كباب علي الفحم..هيحطلك مكياج عليها مثلا و دايما تلاقيه مستعجل مع انه فاضي بس بسلامته لازم يمشي
2-لما تبقي واقف في الكاشير و جايب حاجات كتير و يجي واحد شبه علبة سمنة روابي في الشكل و التلزيق و يعديك عشان يحاسب علي لبانة و لما تبصله تلاقيه بيقولك معلش اصلي معايا حاجة بسيطة...طيب انا ذنبي ايه حضرتك؟؟
سعادتك طلبت معاك تشغل بوقك انا ادفع التمن ليه و لو سبته هيعدي من جنبك كأنه بيعدي من بوابة تفتيش و لا بيبصلك اساسا
3-اللي يضربلك كلاكس و الطريق واقف و تبصله في المرايا تلاقيه بيضحكلك ضحكة استاذ احمد عبد العزيز و كأنه عضه او عطس في وشه...و تشوف في ضحكته كمية سماجة و كلاحة كأنه هو الوحيد اللي شايف الطريق فاضي او هو كان نفسه يطلع موزع موسيقي و بيطبق هوايته في الكلاكس
4-اللي تلاقيه بيتكلم عن الشعب المصري كأنه معاه 9738 جنسية و الدول بتتحايل عليه عشان تاخده عنها و دة مش بيعجبه اي حاجة في اي مكان في اي وقت و دايما كلامه بيبقي بصيغة المخاطب اللي هو انتوا ازاي كدة و هو تلاقيه فوطة المطبخ ليها اهميه عنه
5-اللي تيجي تشتيكله من حاجة يقولك و انا كمان..يا بني انا مش داخل كارفور اخد عرض...لما اقولك انا زعلان متقوليش و انا كمان و لما اقولك انا في ورطة مش لازم توريني انك عشت مصاعب و صارعت اسود و حرقت غابات عشان احنا مش في ماراثون بس دة لازم تديله بالقلم علي وش امه قبل ما يكمل كلامه
6-الشخصية اللي بتنزل تتصور سيلفي في محلات الهدوم..طيب انت ليه كدة يا بابا؟؟ معفن و محدث نعمة و مش مصدق انك لابس هدوم نضيفة احنا مالنا؟
و بعدين ياريت تداري التيكيت بتاع الماركة عشان بيبقي شكله وحش قوي الصراحة
7-الحلاق الدكتور و دة معاه بيتحول كرسي الحلاقة لغرفة كشف و دة هتلاقيه طول ما هو شغال بيطلع عيوب في شكلك و شعرك و لازم يقنعك انك تعمل كل حاجه عنده عشان هو بس في الشرق الاوسط اللي بيفهم و الباقي بلح..و من علاماته انه بيشهق شهقة الملوخية كأنه شاف تنين مهجن مع ديناصور و يقولك انت عندك ......كتير
اي حاجة كتير بقي قشرة حشرات بقي زواحف اي حاجة
8-الشخص اللي بتشتري حاجة منه و مطلع المحفظة و تلاقيه بيقولك ما هو في الفكة دي و حلوة ال 5 جنيه دي و اتصور صورة احسن من دي و جدد اشتراك النادي و دة لازم تقطع الفكة دي قدامه
9-الانسان النرجسي اللي دايما تلاقيه حاطط صورته خلفية لاي حاجة تنفع يبقي ليها خلفية حتي لو خلفيته هو و تلاقيه دايما مقتنع ان في حاجة في شكله مش حلوة
10-الشخصية الخبرة اللي هو مجرب كل حاجة في مجرة درب التبانة و دة غالبا بيبقي حصله استنساخ من رقم 5 يعني مثلا تقوله انا شربت مياه تلاقيه بيقولك لااااااااا دة انا شربت مياه محدش شربها في حياتك...طيب يا سيدي انا شميت هواء يقولك دة انا باشم هواء من قبل ما يطلعلك خورم في مناخيرك
11-اللي بيلبس نضارة شمس في الاماكن المغلقة و دة دايما تحسه نفسه يعيش تجربة الكفيف
1-لما تدخل تجيب سندويتشات من اي مطعم و تلاقي دايما جاي علي اخر لحظة و تحس انه من اول بيدفع لحد ما بيدي البون للي هيعمله السندوتش انه بيحط تشكيل نهائي اوروبا ..و النبي بسرعة..سلطة و طحينة ..لا زود بابا غنوج و ام علي..و الكلمة الاشهر في التاريخ ظبطهولي بقي..و دي شاملة كل حاجة ...يعني مثلا الطعمية هيعملهالك كباب علي الفحم..هيحطلك مكياج عليها مثلا و دايما تلاقيه مستعجل مع انه فاضي بس بسلامته لازم يمشي
2-لما تبقي واقف في الكاشير و جايب حاجات كتير و يجي واحد شبه علبة سمنة روابي في الشكل و التلزيق و يعديك عشان يحاسب علي لبانة و لما تبصله تلاقيه بيقولك معلش اصلي معايا حاجة بسيطة...طيب انا ذنبي ايه حضرتك؟؟
سعادتك طلبت معاك تشغل بوقك انا ادفع التمن ليه و لو سبته هيعدي من جنبك كأنه بيعدي من بوابة تفتيش و لا بيبصلك اساسا
3-اللي يضربلك كلاكس و الطريق واقف و تبصله في المرايا تلاقيه بيضحكلك ضحكة استاذ احمد عبد العزيز و كأنه عضه او عطس في وشه...و تشوف في ضحكته كمية سماجة و كلاحة كأنه هو الوحيد اللي شايف الطريق فاضي او هو كان نفسه يطلع موزع موسيقي و بيطبق هوايته في الكلاكس
4-اللي تلاقيه بيتكلم عن الشعب المصري كأنه معاه 9738 جنسية و الدول بتتحايل عليه عشان تاخده عنها و دة مش بيعجبه اي حاجة في اي مكان في اي وقت و دايما كلامه بيبقي بصيغة المخاطب اللي هو انتوا ازاي كدة و هو تلاقيه فوطة المطبخ ليها اهميه عنه
5-اللي تيجي تشتيكله من حاجة يقولك و انا كمان..يا بني انا مش داخل كارفور اخد عرض...لما اقولك انا زعلان متقوليش و انا كمان و لما اقولك انا في ورطة مش لازم توريني انك عشت مصاعب و صارعت اسود و حرقت غابات عشان احنا مش في ماراثون بس دة لازم تديله بالقلم علي وش امه قبل ما يكمل كلامه
6-الشخصية اللي بتنزل تتصور سيلفي في محلات الهدوم..طيب انت ليه كدة يا بابا؟؟ معفن و محدث نعمة و مش مصدق انك لابس هدوم نضيفة احنا مالنا؟
و بعدين ياريت تداري التيكيت بتاع الماركة عشان بيبقي شكله وحش قوي الصراحة
7-الحلاق الدكتور و دة معاه بيتحول كرسي الحلاقة لغرفة كشف و دة هتلاقيه طول ما هو شغال بيطلع عيوب في شكلك و شعرك و لازم يقنعك انك تعمل كل حاجه عنده عشان هو بس في الشرق الاوسط اللي بيفهم و الباقي بلح..و من علاماته انه بيشهق شهقة الملوخية كأنه شاف تنين مهجن مع ديناصور و يقولك انت عندك ......كتير
اي حاجة كتير بقي قشرة حشرات بقي زواحف اي حاجة
8-الشخص اللي بتشتري حاجة منه و مطلع المحفظة و تلاقيه بيقولك ما هو في الفكة دي و حلوة ال 5 جنيه دي و اتصور صورة احسن من دي و جدد اشتراك النادي و دة لازم تقطع الفكة دي قدامه
9-الانسان النرجسي اللي دايما تلاقيه حاطط صورته خلفية لاي حاجة تنفع يبقي ليها خلفية حتي لو خلفيته هو و تلاقيه دايما مقتنع ان في حاجة في شكله مش حلوة
10-الشخصية الخبرة اللي هو مجرب كل حاجة في مجرة درب التبانة و دة غالبا بيبقي حصله استنساخ من رقم 5 يعني مثلا تقوله انا شربت مياه تلاقيه بيقولك لااااااااا دة انا شربت مياه محدش شربها في حياتك...طيب يا سيدي انا شميت هواء يقولك دة انا باشم هواء من قبل ما يطلعلك خورم في مناخيرك
11-اللي بيلبس نضارة شمس في الاماكن المغلقة و دة دايما تحسه نفسه يعيش تجربة الكفيف
ليست هناك تعليقات:
إرسال تعليق