-سمعة السايس دايما سابقاه و محدش طايقه بس عمرنا فكرنا نشوف الحاجات الايجابية اللي في مهنة او شخصية السايس :
1-السايس بيعرفك حاجات عمرك ما كنت هتعرفها لوحدك يعني مثلا لو حبيت تركن بضهرك عمرك ما هتعرف ان معني كدة انك ترجع بضهرك من غير ما هو يقولك..مش معني انك هتركن في اتجاه اليمين انك عارف يمينك من شمالك الا بمساعدة الراجل دة
2-السايس اصدق من الميزان الموجود في بيتك و هو اكتر واحد بيحطك في اختبارات و يديك مقياس انك خسيت و لا لاء او كرشك اتنفخ و لا نزل شوية لان هو الوحيد اللي هيخليك تحط عربيتك في وضع كوبايات النيش اللي هو يدوب توارب الباب عشان تعرف تطلع راسك و بعد كدة اكتشف مواهبك انك تتحول لبورص
3-السايس ساعات بيبقي احن عليك و مهتم بيك اكتر من ابوك و امك و تحس دة ساعة لما يسألك"هتتأخر يا باشا" او "قدامك كتير" ساعتها بتحس باهتمام ممكن متحسوش من مراتك اساسا
4-السايس اكتر واحد يعلمك علم الاختفاءلوجي يعني فجأة تلاقيه موجود حتي لو بتركن علي حدود شلاتين و فجأة يختفي لما ياخد منك الاتاوة
5-بخصوص بقي موضوع ابوك فالسايس بمجرد ما تديله الفلوس يسيبك تعتمد علي نفسك و تطلع من الركنة بنفسك هو انت هتدلع و لا ايه ...انت كبرت اهو من ساعة ما ركنت ما شاء الله و بقيت شحط
6-السايس بيعلمك علم التخطيط و التنظيم يعني تشوفه و هو بيخطط المساحة اللي شغال عليها تقولش الواد بيحط تصميم اب تاون كايرو و لا اجدع برنامج autocad
7-السايس بيديك درس ازاي تعمل كذا حاجة في نفس الوقت يعني تلاقيه بيطلع 6 عربيات و يخلي 9 يركنوا في نفس ذات اللحظة...اخطبوط ما شاء الله
8-لما تيجي تعلم علي السايس و تجري من غير ما تديله فلوس اوعي ترجعله تاني عشان انت جرحته و هتلاقي استاذ مصطفي شعبان في المشهد الاوفر بتاعه "محدش بينجرح قوي غير لما بيحب قوي"
9-السايس اكبر مثل لتعدد الطبقات في مصر يعني مينفعش تقارن سايس مصر الجديدة بسايس امبابة..دة استايل و دة استايل..و دة نوع من انواع التنمية البشرية لانه بيعرف يتعامل مع زبونه يعني سايس السينما غير سايس الكورنيش
10-السايس اكبر مثل للابتكار يعني اقل موارد ممكن تعمل منك سايس محترف...فوطة صفراء و صفارة و ساعات من غير فوطة صفراء...يعني ممكن تلاقيه جايلك بالفانلة الحمالات
11-السايس اول من طبق نظام الشيفتات و تلاقي احسن صور التنسيق و ال hand over و تلاقي النظام بيتطبق يعني مينفعش بتاع شيفت الصبح يقولك سعر غير شيفت بالليل
12-السايس مينفعش تديله غير حقه عشان مش هيديك باقي و دة يديك احساس بالقناعة و الرضا بالارزاق اللي هي مش اقل من ال 5 جنية
13-السايس دايما شايفك حمادة البيبي اللي مش عارف مصلحة نفسك يعني دايما هتلاقيه بيقولك علي مكان ركنة انت مش عايزه بس انت ايش عارفك اركن و انت ساكت
14-السايس بيغذي عندك احساس المفاجأة عشان بيفاجئك انك ركنت لما تسمع صوت عربيتك راشقة في الرصيف
من الاخر كدة خد الجانب الايجابي للسايس عشان لو مخدتوش هتاخد حاجة تانية
ايوه خش يا استـــــــــــــــــــــــــــــــــــــــــــــــــــــــــــــــــــــــــاذ
1-السايس بيعرفك حاجات عمرك ما كنت هتعرفها لوحدك يعني مثلا لو حبيت تركن بضهرك عمرك ما هتعرف ان معني كدة انك ترجع بضهرك من غير ما هو يقولك..مش معني انك هتركن في اتجاه اليمين انك عارف يمينك من شمالك الا بمساعدة الراجل دة
2-السايس اصدق من الميزان الموجود في بيتك و هو اكتر واحد بيحطك في اختبارات و يديك مقياس انك خسيت و لا لاء او كرشك اتنفخ و لا نزل شوية لان هو الوحيد اللي هيخليك تحط عربيتك في وضع كوبايات النيش اللي هو يدوب توارب الباب عشان تعرف تطلع راسك و بعد كدة اكتشف مواهبك انك تتحول لبورص
3-السايس ساعات بيبقي احن عليك و مهتم بيك اكتر من ابوك و امك و تحس دة ساعة لما يسألك"هتتأخر يا باشا" او "قدامك كتير" ساعتها بتحس باهتمام ممكن متحسوش من مراتك اساسا
4-السايس اكتر واحد يعلمك علم الاختفاءلوجي يعني فجأة تلاقيه موجود حتي لو بتركن علي حدود شلاتين و فجأة يختفي لما ياخد منك الاتاوة
5-بخصوص بقي موضوع ابوك فالسايس بمجرد ما تديله الفلوس يسيبك تعتمد علي نفسك و تطلع من الركنة بنفسك هو انت هتدلع و لا ايه ...انت كبرت اهو من ساعة ما ركنت ما شاء الله و بقيت شحط
6-السايس بيعلمك علم التخطيط و التنظيم يعني تشوفه و هو بيخطط المساحة اللي شغال عليها تقولش الواد بيحط تصميم اب تاون كايرو و لا اجدع برنامج autocad
7-السايس بيديك درس ازاي تعمل كذا حاجة في نفس الوقت يعني تلاقيه بيطلع 6 عربيات و يخلي 9 يركنوا في نفس ذات اللحظة...اخطبوط ما شاء الله
8-لما تيجي تعلم علي السايس و تجري من غير ما تديله فلوس اوعي ترجعله تاني عشان انت جرحته و هتلاقي استاذ مصطفي شعبان في المشهد الاوفر بتاعه "محدش بينجرح قوي غير لما بيحب قوي"
9-السايس اكبر مثل لتعدد الطبقات في مصر يعني مينفعش تقارن سايس مصر الجديدة بسايس امبابة..دة استايل و دة استايل..و دة نوع من انواع التنمية البشرية لانه بيعرف يتعامل مع زبونه يعني سايس السينما غير سايس الكورنيش
10-السايس اكبر مثل للابتكار يعني اقل موارد ممكن تعمل منك سايس محترف...فوطة صفراء و صفارة و ساعات من غير فوطة صفراء...يعني ممكن تلاقيه جايلك بالفانلة الحمالات
11-السايس اول من طبق نظام الشيفتات و تلاقي احسن صور التنسيق و ال hand over و تلاقي النظام بيتطبق يعني مينفعش بتاع شيفت الصبح يقولك سعر غير شيفت بالليل
12-السايس مينفعش تديله غير حقه عشان مش هيديك باقي و دة يديك احساس بالقناعة و الرضا بالارزاق اللي هي مش اقل من ال 5 جنية
13-السايس دايما شايفك حمادة البيبي اللي مش عارف مصلحة نفسك يعني دايما هتلاقيه بيقولك علي مكان ركنة انت مش عايزه بس انت ايش عارفك اركن و انت ساكت
14-السايس بيغذي عندك احساس المفاجأة عشان بيفاجئك انك ركنت لما تسمع صوت عربيتك راشقة في الرصيف
من الاخر كدة خد الجانب الايجابي للسايس عشان لو مخدتوش هتاخد حاجة تانية
ايوه خش يا استـــــــــــــــــــــــــــــــــــــــــــــــــــــــــــــــــــــــــاذ
